Arngrimus Ionas Index Vita | Opera | Nexus interni Nexus externi | Notae | Tabula navigationisIslandiaAnatomes BlefkenianaeCrymogaeaeGamli sáttmáliBrevis Commentarius de Islandia

Scriptores IslandiaeHistorici IslandiaeAuctores Latini recentioresInterpretes Islando-LatiniNati 1568Mortui 1648


Islandice15681648IslandicusHolisGudbrandi ThorlaciiAcademia Hafniensicapellani cathedralisvicarium episcopalisdioecesinapoplexiaparoeciacausarum actorHamburgumRostochiumHafniamGeorgio DedekenioDavide ChytraeoPhilippo NicolaiDaniamIslandiamaetatis renatarum litterarumChristiano IVmembraneos codicesOlaum WormiumStephanum Stephaniumdialecto HamburgensiLugduni Batavorumlinguam BatavicamTheodiscamFrancogallicamDavidi Fabriciosaeculum XVIIantiquam linguam terrarum septentrionaliumRunicisGothicae linguaesaeculo XIXRasmo Christiano RaskThulenpatrio






Arngrimus Ionas doctus. Legitur in hac caelatura anno 1592 a Georgio Dedekenio effecta: Dominus Arngrimus Ionas Islandus Widalinus anno aetatis XXIIII. Fides instar aquilae.


Arngrimus Ionas (aut Ionae filius, Islandice Arngrímur Jónsson, agnomine lærði, id est doctus; anno 1568 natus Audunarstadis in valle Vididalensi, mortuus die 27 Iunii anno 1648 Melstadio Midfiordensium in Islandia boreali) fuit rerum gestarum scriptor et theologus Islandicus. Aetate progrediente sibi ipsi cognomen secundum solum natale Widalinum [sic] indidit, quod etiam nonnulli posterorum eius sibi imponebant[1].




Index





  • 1 Vita


  • 2 Opera


  • 3 Nexus interni


  • 4 Nexus externi


  • 5 Notae




Vita |


Fuit filius Ionae Ioannis filii ex uxore Ingibiorga Lofti filia. Testimonio suo Arngrimus octo annos natus Holis in domum familiamque consobrini Gudbrandi Thorlacii, tum Holensis episcopi, adscitus est[2], ubi posthac adulescens in Lyceo Holano ampla fruebatur eruditione.


Anno 1598 Solveigam Gunnari filiam (~1570–1627) in matrimonium duxit, ex qua liberos quattuor sustulit, quorum tres ad aetatem pervenerunt: Helga (1599–1646), Gunnarus (~1600–1642), Ionas (~1610–1658). Mortua Solveiga coniuge ad secundas transiit nuptias anno 1628, Sigridam ducens, filiam Biorni Gamalielis filii, patruelis Gudbrandi Thorlacii. Septem e novem liberorum ex secundo isto coniugio susceptorum superstites esse traditur: Thorchellus (1629–1677), Solveiga (~1630–1703), Ingibiorga (~1630–?), Thorlacus (1631–1673), Biarnius (1638–1690), Gudbrandus (1639–1719), Hilda (1643–1725)[3][4].


Septem decem annos natus in Academia Hafniensi receptus est ibique quadriennium Musis militavit, quo exacto, in patriam reversus, anno 1589 Lyceo Holano rector praepositus est. Eodem anno sacris initiatus esse ac capellani cathedralis seu coadiutoris episcopi munus suscepisse videtur; ferunt autem rectoris officio in annum 1595 vel 1598 functum esse. At tamen inde ab anno 1596 usque ad annum 1628 vicarium episcopalis fuisse et dioecesin Holensem tantisper administrasse constat, dum Gudbrandus Thorlacius, correpta apoplexia diutius aegrotatione laborans, anno 1627 fatis concessit. Sacerdos etiam in paroecia Melstadensi factus est, quo loco sedem ac domilicium constituit.


Non solum fuit episcopi coadiutor familiarissimus sed etiam causarum actor fidelissimus in gravibus illius causis, quapropter anno 1592 per Hamburgum et Rostochium Hafniam profectus est, ut litem Gudbrandi ad iudicium regium deferret. Moratus est Hafniae usque in annum 1593. Amicitiis in itinere iunctis, imprimis cum Georgio Dedekenio, Davide Chytraeo, Philippo Nicolai et aliis, haec peregrinatio atque altera in Daniam anno 1602 magni momenti fuit.  


Libris Latine scriptis extraneorum virorum doctorum animos ad Islandiam mediaevalem et illius historiam priscamque litteraturam attendit, quare parens aetatis renatarum litterarum Islandicarum haberi possit. Ab ipso Christiano IV Daniae rege in mandatis habuit, ut antiquos membraneos codices conquireret, eorum quosdam in Latinum sermonem verteret eosque Hafniam mitteret, laboris mercedem accipiens annuos canones nobilis praedii Hallbjarnareyri.


Erat epistularum commercium inter Arngrimum et nonnullos viros doctos sui temporis, exempli gratia Olaum Wormium, Stephanum Stephanium et praefatum Davidem Chytraeum.


Flos primus industriae litterarum eius erat liber ille Hafniae anno 1593 editus ac Brevis Commentarius de Islandia inscriptus, quo aequalium de Islandia opiniones corrigere et emendare conatus est. Arngrimus enim ad studium laboremque incitatus erat carmine Saxonico Van Yßlandt, id est De Islandia, in dialecto Hamburgensi videlicet a quodam Gories Peerse composito, qui Islandorum vitam, mores, consuetudines in permultis istorum versuum laceravisset. Quamquam carmen ipsum neglegendum ac iure nullo respectu dignum fuerit, tamen Dithmarus quidam Blefkenius his versibus inniti visus est in libello suo, cui index est Islandia sive populorum et mirabilium, quae in ea insula reperiuntur, accuratior descriptio; cui de Gronlandia sub finem quaedam adiecta (Lugduni Batavorum 1607)[5]. Libellus Blefkenii Latine cum scriptus esset, celeriter a litteratorum publico perceptus, in linguam Batavicam (1608), Theodiscam (1613), ex parte in Francogallicam (1644) translatus et usque in sequens saeculum compluribus editionibus divulgatus est. Qua de causa Arngrimus in hunc libellum defensionem scripsit polemicam, cui titulum fecit Anatomes Blefkenianae, et alteram, cum descriptiones Blefkenii etiam aliis scriptoribus ut Davidi Fabricio fundamento essent, Epistolam pro patria defensoriam inscriptam.


Videtur ex palmario Arngrimi, titulum habente Crymogaeae (Graece Frigidae seu Glacialis terrae), quod peritior erat in historiam exponendam quam in geographiam naturamve describendam. Mentionem de vitae Islandorum condicionibus facit modo praeteriens, sed linguam, litteraturam, civitatem Islandiae ab inventione insulae usque ad saeculum XVII satis superque pertractat. Contendit etiam linguam Islandicam sui temporis esse antiquam linguam terrarum septentrionalium, eandem igitur linguam, quae in monumentis Runicis reperiri possit ac Gothicae linguae cognata sit; ceteroqui eam et Latinae et Graecae linguis aequat poscitque, ut pura sustineri debeat. Opinio Arngrimo confirmabatur, cum Islandi Hafniae studentes mediaevalia manuscripta perfacile legere potuissent. Ista opinio ineunte saeculo XIX denuo a Rasmo Christiano Rask confirmata est. Arngrimus quidem Vetus Pactum, quod Islandice Gamli sáttmáli dicitur, amissionem libertatis appellavit, sed nondum Islandiam liberam aut restitutionem liberae rei publicae cogitavit. Immo, reges Daniae et Norvegiae multis verbis laudavit propter eorum curam tutelamque subditorum Islandicorum[6].


Specimen Islandiae historicum librum ultimum Arngrimi fuit, in quo occupationem insulae (Islandice landnám) descripsit negavitque Islandiam esse Thulen. Aliquot annos ante composuerat scriptum magis privatum seu biographicum, Apotribe virulentae et atrocis calumniae inscriptum.


Constat eum poematis Latinis ac Islandicis expertum esse, praeterea scripta quaedam forensia in patrio atque alia opuscula in Latino sermone composuisse.



Opera |



  • Idea veri Magistratus, [Hafniae 1589], opus ineditum et perditum


  • Brevis commentarius de Islandia, Hafniae 1593


  • Historia Jomsburgensium (conversio Latina libelli Jómsvíkingasaga), primum in lucem edita Hafniae 1877


  • Supplementum Historiae Norvegicae, 1596/97


  • Rerum Danicarum Fragmenta, 1596/97


  • Psalmur í­ Davíðs Psaltara sá XCI af Síra Arngrí­mi Jónssyni, Holis 1598


  • Soliloquia de passione Iesu Christi (Islandice), [Holis] 1599, 1651, 1662, 1677, 1697


  • Crymogaea sive Rerum Islandicarum Libri III (1597-1602), Hamburgi 1609, 1610, 1614, 1618


  • Gronlandia (1597-1602), Islandice Gronlandia eður Grænlandssaga, Schalholtiae 1688, Danice Grönlandia eller Historie om Grønland, Hafniae 1732


  • Theoria vel Speculum vitae aeternae / Speigell Eilifz Lijfs, [Holis] 1607


  • Anatome Blefkeniana, Holis 1612, Hamburgi 1613


  • Epistola pro patria defensoria, Hamburgi 1618


  • Krosskveðjur þess heilaga kjenniföðurs, [Holis] 1618


  • Biblia parva eður Almennilegur Catechismus (1590)


  • Ἀποτριβὴ [Apotribe] virulentae et atrocis calumniae, Hamburgi 1622


  • Ἀθανασία [Athanasia] sive nominis ac famae Immortalitas reverendi ac incomparabilis viri Dn. Gudbrandi Thorlacii, Hamburgi 1630


  • Specimen Islandiae historicum et magna ex parte chorographicum, Amstelodami 1643

Nexus interni


  • Islandia


Nexus externi |


  • Brevis Commentarius de Islandia


Notae |



  1. ↑ Jakob Benediktsson: The Life and Career of Arngrímur Jónsson. — Jakob Benediktsson (edidit): Arngrimi Jonæ opera Latine conscripta. Bibliotheca Arnamagnæana, vol. XII. Ejnar Munksgaard, Hafniae 1957, ISBN 978-87-635-3359-1, pag. 4.


  2. ↑ Arngrímur Jónsson: Ἀποτριβὴ virulentae et atrocis calumniae. — J. Moses, Hamburgi 1622, pag. 27.


  3. ↑ Jón Halldórsson: Um séra Arngrím Jónsson officialis. — Hannes Þorsteinsson (edidit): Biskupasögur Jóns prófasts Haldórssonar í­ Hí­tardal. II., Hólabiskupar 1551−1798. Prentsmiðjan Gutenberg, Reykiavicae 1915, pag. 75–79.


  4. ↑ Finnur Jónsson: De Arngrimo Jonæ. — Finni Johannæi Historia Ecclesiastica Islandiæ. Tomus III. Gerhard Giese Salicath, Hafniae 1775, pag. 443–449.


  5. ↑ Viktor Hantzsch: Blefken, Dithmar. — Allgemeine Deutsche Biographie (ADB). Tomus 47, Duncker & Humblot, Lipsiae 1903, pag. 17–19.


  6. ↑ Gunnar Karlsson: Den islandske renæssance. — Annette Lassen (edidit): Det norrøne og det nationale. Háskóli Íslands, Reykiavicae 2006, pag. 29–40, 31–33.








-

Popular posts from this blog

strTok function (thread safe, supports empty tokens, doesn't change string)String case reverse function in CGet line from string functionTDD: String Calculator KataC - K&R getint() variationSimple function to generate an HTML-safe stringGeneric Pairing Heap PerformancePattern for writing a generic string transformation functionChange a string into a function/def activatorC++ string tokenizing without streams, with certain conditionsRead consecutive blanks in array

Image
What are these boxed doors outside store fronts in New York? RSA: Danger of using p to create q Theorems that impeded progress strTok function (thread safe, supports empty tokens, doesn't change string) What typically incentivizes a professor to change jobs to a lower ranking university? Accidentally leaked the solution to an assignment, what to do now? (I'm the prof) I'm flying to France today and my passport expires in less than 2 months Watching something be written to a file live with tail Alternative to sending password over mail? Today is the Center Why "Having chlorophyll without photosynthesis is actually very dangerous" and "like living with a bomb"? Languages that we cannot (dis)prove to be Context-Free Did Shadowfax go to Valinor? How is it possible to have an ability score that is less than 3? Is it tax fraud for an individual to declare non-taxable revenue as taxable income? (US tax laws) Why is 150k or 200k job...
Read more

How to write “ä” and other umlauts and accented letters in bibliography?Accents in BibTeXSorting references with special characters alphabeticallyUse ae ligature in bibliographyEastern European nameInverted circumflex in BibTexBibTex, non-ascii initials and nameptr fproblems with accent in LatexHow to add a Ø to my bibliography from Jabref?References without accentsTroubles when trying to cite St“omer-Verlet in ”title" field of a bib entryComprehensive list of accented charactersHow to type the letter “i” with two dots (diaeresis) in math mode?Problem with glossary text and accented lettersSpecial character in bibliographyAccented letters, Unicode and LaTeX accentsHow to stop natbib from modifying bibliography styleCitation of a paper with non-standard characters by BibtexWrite accented characters to file using writeHow to group the bibliography alphabetically, if some surnames start with “accented” characters?How can I automatically capitalize significant words in my bibliography?

Image
Information to fellow intern about Hiring? Are tax years 2016 & 2017 back taxes deductible for tax year 2018? Why a const reference doesn't extend the life of temporary object passed via function? Why did the Germans forbid the possession of pet pigeons in Rostov-on-Don in 1941? I see my dog run How to avoid repetitive long generic constraints in Rust How can I fix this gap between bookcases I made? What are these boxed doors outside store fronts in New York? How would photo IDs work for shapeshifters? What does "enim et" mean? What is the meaning of "of trouble" in the following sentence? How to determine if window is maximised or minimised from bash script Calculate Levenshtein distance between two strings in Python Why do we use polarized capacitors? How to answer pointed "are you quitting" questioning when I don't want them to suspect Extreme, but not acceptable situation and I can't start the work tomorrow...
Read more

Title of papers that have not been submitted to a venue?How “submitted”, “to appear”, “accepted” papers are evaluated in a CV?What percentage of papers submitted to a conference or journal have been previously rejected in the same or another venue?How to automatically extract submitted/accepted dates of many journal papers?Is it okay/common/good to mention the submitted papers in my phd thesis?Can one determine whether somebody's work may have been plagiarized?How to describe a paper for which you have not yet submitted revisions in CV?JCR publication required to enrol in PhD program - is it common?“Full” versions versus “Preliminary” version of result/paper. Are they considered different?How can I prove that my article has not been submitted to another journal?Is there anything that has been tried to stop publication shopping

Image
Can I write a for loop that iterates over both collections and arrays? Is it possible for the two major parties in the UK to form a coalition with each other instead of a much smaller party? What is the command to reset a Windows installation without deleting any files How to answer pointed "are you quitting" questioning when I don't want them to suspect Can I legally use front facing blue light in the UK? Is "plugging out" electronic devices an American expression? Why is the design of haulage companies so “special”? What is the steepest angle that a canal can be traversable without locks? Patience, young "Padovan" Is this food a bread or a loaf? Geography at the pixel level Symbol above others Springs with some finite mass Why do UK politicians seemingly ignore opinion polls on Brexit? Is there a name of the flying bionic bird? What does 'script /dev/null' do? Is std::next for vector O(n) or O(1)? Are cabin d...
Read more